Американскиот државен секретар Џон Кери пристигна денеска во ненајавена посета на Сомалија во знак на солидарност со властите, кои се обидуваат да ги победат милитантите, сојузници на Ал Каеда и да стават крај на војната во таа земја.
Тој е прв висок американски дипломат, кој ја посети Сомалија. По слетување на аеродромот во Могадишу веднаш почна со средбите со претседателот, премиерот, регионалните лидери и граѓанските здруженија.
Патувањето е под зајакнати мерки за безбедност. Сомалиската Влада еден ден претходно дозна дека Кери ќе ја придружува претставничката на Стејт депарментот, Линда Гринфилд Томас.