Суд во Бурунди досуди пет годишна затворска казна за 182 следбеници, на наводната католичка јасновидка Зебије, која тврди дека и се јавува Девица Марија, објавија медиумите.
Следбениците на триесетгодишната јасновидка, се притворени бидејќи не ја почитувале забраната на полицијата за собир на ридот кој станал место на верниците, откако Зебије објавила дека тука секој 12 во месецот се појавува Богородица, пренесе Агенција „Франс прес“.
Во судскиот процес, највисоки казни, од пет години добиле 15 лица, кои се прогласени за водачи на групата, додека останатите се казнети со шест месеци до три години затвор. Дванаесет деца помлади од 14 години се ослободени.
Во март во судир помеѓу полицијата и приврзаниците на Зебије загинаа најмалку 6 лица додека 35 беа повредени.
Елена Георгиевска