Најмалку 21 лице загинаа, вклучувајќи едно дете, во нападите на израелските сили во Газа денес, објави Ал Џезира, повикувајќи се на извори од локалните болници.
Тројца Палестинци наводно се убиени во воздушни напади врз областа Асда, во близина на Кан Јунис, додека биле во импровизирани шатори за раселени лица.
Во посебен напад со беспилотни летала врз шатори западно од Кан Јунис загинаа жена и дете.
Четири лица кои се обидувале да достават хуманитарна помош беа меѓу денешните жртви.
Напад со беспилотни летала се случи и во градот Газа, при што беа повредени неколку лица.
Вкупниот број на смртни случаи во Газа од почетокот на конфликтот во октомври 2023 година, потсетува Ал Џезира, достигна 62.819, додека 158.629 се ранети.