Германскиот министер за развојна помош Герд Милер денеска го обвини Катар за финансирање на џихадистите од Исламска држава, која дејствува во Сирија и Ирак.
– Ваквата приказна секогаш има нешто што и претходи. Кој ги финансира трупите? Да ви помогнам, станува збор за Катар, рече Милер во интервју за германската тв станица ЗДФ.
Германскиот вицеканцелар и министер за економија Зигмар Габриел оваа недела апелираше да биде покрената дебата за тоа гој ја финансира Исламска држава, но не наведе конкретно ниту една земја.