Американскиот министер за одбрана Еш Картер ја повика денеска Северна Кореја да ја ограничи програмата за создавање на нуклеарно оружје и во крајна смисла да го укине тој вид оружје, но призна дека шансите за помирување меѓу двете корејски држави се мали.
Картер ја посети демилитаризираната зона на Корејскиот Полуостров и нагласи дека САД му даваат силна поддршка на својот сојузник, Северна Кореја.
Ова е првата посета на Картер како министер за одбрана на демилитаризираната зона, создадена со примирјето, со кое во 1953 година се стави крај на Корејската војна.
– Кога си тука гледаш колку е опасен овој дел од светот, рече Картер во граничното населено место Панминџон. Во придружба на американски и јужнокорејски високи воени функционери тој посети и набљудувачки пункт од јужнокорејската страна на границата.
Картер потоа заминува за Сеул, каде утре ќе се одржи редовна годишна средба меѓу САД и Јужна Кореја по прашањата за безбедноста.