Премиерот на Канада, Џастин Трудо се самоизолирал откако неговата сопруга, која се врати од Велика Британија, почнала да има симптоми на грип.
Според неговиот портпарол, во наредните неколку дена Трудо ќе одговори на сите прашања од новинарите преку камера, со која ќе се снима.
– Премиерот ќе одржи брифинзи, телефонски разговори и виртуелни состаноци од дома, вклучително и разговори со светските лидери и учество во специјален комитет против Ковид-19 – се вели во соопштението.
Неговата сопруга која почнала да ги чувствува симптомите на грип, е тестирана на коронавирус, но резултатите сè уште се чекаат.
Според соопштението, Трудо и неговата сопруга Софи Грегоар покажале благи симптоми слични на грип и зголемена температура откако се вратиле од Лондон.