Канадската Влада ќе обезбеди 30 милиони долари за борба со вирусот ебола, јави канадската телевизија Си-Би-Си.
Претходно прес службата на канадскиот премиер Стивен Харпер посочи дека канадскиот лидер разговарал по телефон со генералниот секретар Бан Ки-мун при што го информирал дека Канада во следните денови ќе префрли помош за борба со еболата.
Отава веќе даде 35 милиони долари за борба со епидемијата. Средствата и беа префрлени на СЗО. Освен тоа, во Западна Африка во моментот работат две епидемиолошки лаборатории. Според СЗО, за борба со еболата потребни се најмалку една милијарда долари.