Одлуката на рускиот претседател Владимир Путин да започне воена акција во Сирија, како поддршка на шефот на сириската држава Башар ел Асад, претставува „страшна грешка“, оцени денеска британскиот премиер Дејвид Камерон.
– Тие го подржуваат крвникот Асад, што претставува страшна грешка за нив и за целиот свет. Тоа ќе го направи регионот уште понестабилен, изјави Камерон за Би-Би-Си на маргините на годишната Конференција на неговата владејачка Конзервативна партија, што се одржува во Манчестер.
Според Камерон, руските напади во Сирија претставуваат „драматична ескалација на странска вмешаност во граѓанската војна“ во земјата.
– Поголемиот дел од руските воздушни напади, колку што можев досега да видам, беа извршени во делови на Сирија што не се под контола на Исламската држава, туку на другите противници на режимот на Асад, изјави Камерон.