Триесеттина патници се повредени во сударот на патнички воз и камион во близина на градот Хенфорд во Калифорнија.
„Единаесет лица се повредени, а деветнасет се полесно повредени. Тринаесет амбулантни возила пристигнаа на местото на несреќата за да ги пренесат повредените во болница“ – рекоа официјални лица.
„169 патници и 4 члена на екипажот се наоѓаа во возот кој патуваше од Оукленд до Бејкерсфилд, кога околу 12,25 часот по пацифичко време дошло до судар со камионот“ – стои во соопштението за несреќата.
Три од четири вагони во композицијата излетале од шините. Тоа бил судар кој се случил при голема брзина, кој доведе до превртување на возот и негово запирање 800 метри од местото на ударот, кажаа од железничката компанија.
