Рамзан Кадиров, чеченскиот лидер и главен сојузник на Владимир Путин, на Телеграм објави дека Русија е единствената земја во светот која зборува за гадостите што ги шири Западот.
Кадиров тврди дека војната во Украина е веќе добиена и дека Полска е следна. Во пропагандно видео објавено на социјалните мрежи, Кадиров вели дека планот е по освојувањето на Киев да премине во Полска.
„Плановите се грандиозни, ние веќе развиваме план за демилитаризација на земјите од НАТО. Полска е прва на ред по заземањето на Киев. Украина е решена, јас сум заинтересиран за Полска“, рече Кадиров.
Од почетокот на руската инвазија на Украина, трупите на Кадиров се обвинети за воени злосторства.