Претседателот на Чеченија, Рамзан Кадиров, на жителите на Русија им го претстави своето гледиште за војната во Украина и објасни зошто мечот на правдата сега е во рацете на Русија.
„Гледам дека некои се загрижени за странската помош за Украина. Не грижете се! Тоа е шема за перење пари. Западните и украинските власти ќе ги ограбат тие средства. Максимум 15 % од таа поддршка ќе стигне до првите линии. Подобро да се грижите за нешто друго. Борбите сега се водат во Русија. Во областите што сакаа да се приклучат на нашата земја за да се заштитат од сатанистичките постапки на украинските и НАТО-националистите. Затоа не смее да има преговори. Мора да го победиме самото дувло на сатанистите во центарот на Киев! Мора да се бориме за главниот бранител и агитатор на таа гнасна идеологија – Зеленски“, рече Кадиров.
„Ги почитуваме нашите традиција, религија и култура. Невозможно е да се залажуваат верниците со туѓи вредности додека Куранот се пали на западните улици, а на тезгите се продаваат весници со карикатури на пророкот. Ние сме во војна против сатанизмот и сите негови најлоши манифестации“, пренесува руска „Правда“.