Израелскиот министер за одбрана Израел Кац упати закана до иранскиот врховен лидер ајатолахот Али Хамнеи, велејќи дека Израел може повторно да го достигне Техеран и лично Хамнеи, соопшти денес канцеларијата на Кац.
„Сакам да му пренесам јасна порака на Хамнеи, диктаторот: Ако продолжите да му се заканувате на Израел, нашата рака повторно ќе го достигне Техеран и со уште поголема сила – и овој пат лично вас. Не заканувајте, за да не ви биде нанесена штета“, рече Кац за време на посетата на воздухопловната база Рамон во јужен Израел, објави „Тајмс оф Израел“.
Кац ја упати заканата малку повеќе од еден месец откако прекинот на огнот ја заврши 12-дневната војна меѓу Иран и Израел што започна на 13 јуни.