Израелскиот министер за одбрана Израел Кац им се закани на јеменската милитантна група Хути со „седумкратен“ одговор откако извршија напад со беспилотно летало врз Израел и беа повредени повеќе од 20 лица.
„Хутите одбиваат да учат од Иран, Либан и Газа, а ќе научат на тешкиот начин. Кој и да му наштети на Израел, ќе биде седумкратно казнет“, напиша израелскиот министер на платформата X.
Во нападот со беспилотно летало врз градот Еилат беа повредени 20 лица, од кои двајца сериозно. Службата за брза помош „Маген Дејвид Адом“ (MDA) соопшти дека сите повредени се однесени во болница, вклучувајќи двајца мажи на возраст од 60 години во сериозна состојба, објави „Тајмс оф Израел“. Според MDA, повеќето од повредените претрпеле рани од шрапнели, додека еден од нив претрпел полесни повреди.
Иако израелските воздухопловни сили испукале две ракети пресретнувачи „Железна купола“ кон дронот, ниту еден од нив не успеал да го собори леталото. Војската потврди дека во Еилат се огласиле сирени, предупредувајќи за напад, во согласност со протоколот.
