Се чини дека Северна Кореја ја обезбеди способноста да управува со интерконтинентална балистичка ракета (ICBM), објави јужнокорејската новинска агенција Јонхап, повикувајќи се на брифинг на шпионската агенција.
Тие додаваат дека Северна Кореја најверојатно ќе лансира шпионски сателит во согласност со нејзините претходни предупредувања.
Пред неколку дена, Северна Кореја повторно истрела балистички ракети во морето во близина на брегот на Јапонија, што ги ескалира тензиите во Пацификот, поттикнати од наизменични севернокорејски тестирања на оружје и воени вежби на Јужна Кореја и нејзините сојузници. Пјонгјанг често тестира оружје, особено интерконтинентални балистички ракети, и покрај меѓународните санкции, а новата влада во Сеул одговара со поинтензивни заеднички воени вежби со својот главен сојузник САД.
По најавата за нови вежби, Северна Кореја во петокот истрела интерконтинентална балистичка ракета во морето кај западниот брег на Јапонија. Јужна Кореја и САД одговорија во неделата со заедничка вежба на воздухопловните сили, а САД организираа и заеднички воени вежби со Јапонија.
По воените вежби во неделата, влијателната сестра на севернокорејскиот лидер Ким Џонг-ун, Ким Јо-Јонг, предупреди дека не треба да се зголемува присуството на американските стратешки воени капацитети на Корејскиот полуостров.