Јужнокорејскиот премиер Хванг Кјо-ан денеска објави крај на епидемијата на блискоисточниот респираторен синдром (МЕРС) во земјата.
Како што јави јужнокорејската новинска агенција Јонхап, 36 лица починале и 186 беа заразени од болеста, за која нема ниту лек, ниту вакцина.
– Откако направивме оценка на ситуацијата, медицинскиот персонал и Владата сметаат дека населението повеќе нема од што да стравува, истакна премиерот пред членовите на Кабинетот.
Епидемијата негативно се одрази врз растот на економијата во Јужна Кореја, намалувајќи ја потрошувачката. Поради избегнување на јавните места од страна на Јужнокорејците, продавниците, трговските центри, рестораните и кината забележале пад во продажбат.