Шефот на Европската комисија Жан Клод Јункер денеска изјави оти контроверзните планови, со кои им се овозможува на земјите да се интегрираат со различни брзини по Брегзит нема да создаде „нова железна завеса“.
– Што се однесува на така наречената Европа со повеќе брзини, тоа изгледа како вовед во нови линии на раздвојување, нов вид на железна завеса меѓу истокот и западот. А, тоа не е намерата, истакна Јункер на прес конференција во Брисел.
Во исто време, тој изрази надеж дека Велика Британија еден ден да се врати во ЕУ и покрај гласањето за заминување.
– Не ми се допаѓа Брегзит, бидејќи би сакал да бидам на ист брод со Британија. Ќе дојде тој ден кога Британците повторно ќе се качат на тој брод, се надевам, посочи Јункер.