Претседателот на Романија, Клаус Јоханис изјави денеска дека во текот на наредните денови ќе го објави датумот за референдумот за антикорупциски реформи, јави Аџерпрес.
– Овој референдум е неопходен, а во следните денови ќе дадам известување што ќе направам и кога точно ќе се одржи референдумот, истакна Јоханис.
Романскиот парламент вчера го поддржа планот на претседателот на државата да организира референдум за анти-корупциски реформи, а иницијативата за референдумот следеше по масовните улични протести кои ја принудија Владата да ја повлече спорната уредба за декриминализација на одредени случаи.
Романскиот претседател Клаус Јоханис ја нападна Владата поради уредбата за која противниците оценуваат дека штити десетина јавни функционери од кривично гонење.