Романскиот претседател Клаус Јоханис го повика денеска премиерот Виктор Понта да поднесе оставка нагласувајќи дека позицијата шеф на владата е неодржива откако против него почна кривична истрага поради корупција.
Романски обвинители рекоа дека покренале истрага против Понта поради сомнение дека е вмешан во фалсификување, перење пари, конфликт на интереси и затајување данок.
Понта негира и вели дека тоа се обвинувања од неговите политички противници. Тој тврди дека само парламентот може да го смени од функција.