Јапонските власти ја обвинија Кина дека нејзини воени бродови ја предизвикале блокадата на јапонските фрагати и радарските системи на јапонските хеликоптери, пренесува агенцијата Анадолија.
Министерот за одбрана на Јапонија Итсунари Онодера изјави дека во два наврата, односно на 19 и на 30 јануари, кинеските воени бродови се „играа со радарите“.
Според тврдењата на јапонски официјални претставници, наведените настани се случиле во Источно Кинеско море каде се наоѓаат и спорните острови заради кои не се намалува тензијата меѓу Јапонија и Кина.
Министерот Онодера истакна дека „е многу опасно и сериозно тоа што го прават кинеските бродови“.
Спорните острови во Кина се нарекуваат Диаоју, додека во Јапонија се познати како Сенкаку, а двете држави полагаат право врз суверентитот на островите.