Руското Министерство за надворешни работи оцени денеска дека извештајот на Амнести интернешнал за руските воени операции во Сирија претставува пример за политизиран пристап на активистите за човекови права.
Портпаролката на Министерството Марија Захарова изјави дека материјалите користени во извештајот на АИ не може да се сметаат за факти што остава „тажен впечаток за работата на активистите за човекови права“.
– Ние овде гледаме политизиран пристап, често гледаме некои фотографии и документи за кои и без анализа се гледа дека се лажни, нагласи таа.