Израелските одбранбени сили (ИДФ) извршија рација во бегалскиот камп Нур ал-Шамс, како и во домовите во блискиот град Тулкарм на Западниот Брег и приведоа стотици луѓе осомничени за милитантни активности, соопшти израелската војска.
„Силите на ИДФ продолжуваат да дејствуваат заедно со другите израелски безбедносни сили, во антитерористичка операција на целата дивизија во бегалскиот камп Нур ал-Шамс во Менаше“, се додава во соопштението на ИДФ.
Според жителите на Тулкарм, израелските војници привеле најмалку 120 луѓе и демолирале три куќи, вклучително и една која наводно припаѓа на бригадите Тулкарм, која е дел од палестинската милитантна група Фатах.
Бригадите Тулкар објавија дека имало размена на оган со израелските сили, додека ИДФ тврди дека армијата уништила неколку милитантни инфраструктури и го идентификувала оружјето што го користеле бригадите, пренесува Ројтерс.