Израелската војска (ИДФ) објави дека израелските воздухопловни сили уништиле таен ирански нуклеарен објект на периферијата на Техеран.
– Во делумно подземниот објект, наречен „Минзаде“, група нуклеарни научници тајно работеле на развој на капацитетите потребни за производство на нуклеарно оружје, изјави портпаролот на ИДФ, бригаден генерал Ефи Дефрин, објави „Тајмс оф Израел“.
Според ИДФ, по дванаесетдневната војна меѓу Израел и Иран во јуни 2025 година, за време на која беа цел на иранските нуклеарни објекти, Иран не ги прекинал своите воени нуклеарни активности, туку продолжил да ги развива своите капацитети, преместувајќи ја инфраструктурата во подземен објект заштитен од воздушни напади.
Израелската војска тврди дека ги следела активностите на иранските нуклеарни научници и ја идентификувала нивната нова локација, што, велат тие, овозможило прецизен удар врз тајниот комплекс.
