Евреите родени во седумте претежно-муслимански земји на кои се однесува забраната за влез во САД, а имаат израелско државјанство и понатаму може да патуваат во Америка.
Извршната наредба на претседателот Трамп предизвика бурни реакции од сите делови на светот, а предизвикала и загриженост за десеци илјади евреи родени во тие земји.
„Доколку имате важечка американска виза во вашиот израелски пасош, без разлика што сте родени во Ирак, Иран, Либија, Сомалија, Судан, Сирија или Јемен и ако немате важечк пасош од една од тие земји, вашата виза е важечка“ стои во соопштението на американската амбасада во Израел.
Околу 140.000 луѓе родени во тие зејми сега живеат во Израел, од кои околу 45.000 иранци и 53.000 ирачани, според официјалните израелски податоци.
Израелското министерство за надворешни работи наведе дека се обидува да одреди во колкава мерка овие личности ќе бидат погодени од указот на Трамп.