Израелски беспилотен авион истрела ракета во северниот дел на Синајскиот полуостров, разурнувајќи носач на ракети и убивајќи петмина осомничени исламистички борци, пренесоа американските медиуми, повикувајќи се на извори од египетските служби за безбедност.
Според изворите на информацијата, нападот бил координиран со египетските власти.
Израелската армија соопшти дека го истражува извештајот за случајот. Египетската армија и силите за безбедност одамна водат борби со исламистичките борци на Синајскиот полуостров.
Во четвртокот Израел за кусо време затвори свој аеродром во близина на границата со полуостровот, откако египетски претставници предупредија за можен ракетен напад од страна на исламистите.