Израелската армија денеска изврши два воздушни напада во Појасот Газа, како одговор на ракетен напад од палестинска територија.
Израелските напади се извршени на денот кога треба да биде објавена новата палестинска влада на национално единство. Израел не се согласува со договорот меѓу главните палестински политички движења – Фатах на претседателот Махмуд Абас, кое управува на Западниот Брег на реката Јордан, и исламистите од Хамас, кои го контролираат Појасот Газа.
Израелската Армија соопшти дека нејзиното Воено воздухопловство нападнало два „терористички објекта“ во Појасот Газа, кои биле уништени, како одговор на двете истрелани ракети во последните денови. Повеќе детали за нападот не се соопштени.