Израелските одбранбени сили (ИДФ) најавија создавање на хуманитарна зона во јужниот дел на Газа каде ќе се обезбедува меѓународна помош за жителите на Газа, соопшти ИДФ. Објавата уследи по неколкудневните израелски преговори со Египет, САД и други земји за создавање безбедна зона за бегство од Газа.
ИДФ вели дека Палестинците треба да одат во хуманитарна зона во областа Ал-Маваси, во близина на градот Кан Јунис, каде што „ќе биде обезбедена меѓународна хуманитарна помош по потреба“.
Армијата уште еднаш ги повтори своите повици до Палестинците во северниот дел на Појасот Газа да се евакуираат на југ и најави дека наскоро силно ќе ја гранатира областа.
Вчера Израел ги бомбардира областите Кан Јунис и Рафах, градови каде се собраа Палестинците кои избегаа од северот по предупредувањето на ИДФ, што ги налути Палестинците и дел од меѓународната заедница.