Израелски војници возвратија со артилериски оган кој доаѓаше од територијата на Сирија, во регионот на Голанската висорамнина која е под окупација на Израел, соопшти армијата на Израел.
Артилериски проектили и оган од лесно пешадиско оружје од Сирија ја погодија висорамнината.
-Мета беа израелските војници. Но, никој не е ранет, ниту пак има штета – стои во соопштението.
Министерот за одбрана на Израел, Моше Јалон предупреди дека Израел ќе возврати на секој напад на својата територија.
Од почетокот на војната пред две години, состојбата е напната на висорамнината, на југот на Сирија, но до сега немаше некои поголеми воени судири.
Израелските официјални лица сметаат дека проектилите се последица од судирите помеѓу сиријската војска и бунтовниците кои се водат во близина на границата.
Израел се уште е во воена состојба со Сирија, од која во шестдневната војна 1967 година присвои околу 1.200 квадратни километри стратешко место на Голанската висорамнина и таа територија ја анектираше, бидејќи меѓународната заедница никогаш не ја призна.
Под контрола на Сирија останаа околу 510 квадратни километри на Голанската висорамнина, а силите на ОН веќе четириесет години се распоредени помеѓу двете држави и го набљудуваат прекинот на огнот.
Елена Георгиевска