Палестински тинејџер од источен Ерусалим е киднапиран и убиен , а постои сомневање дека станува збор за одмазда за неодамнешното убиство на тројца израелски тинејџери, пренесуваат агенциите.
Како што пренесе „Франс прес“, очевидци потврдиле дека виделе како некој го турка момчето во автомобил, кое во тој момент било на пат во една населба во источен Ерусалим.
Телото на тинејџерот, за кој се претпоставува дека имал 16 години, неколку часа подоцна било пронајдено на друг крај од градот, поради што постои сомнеж дека се работи за одмазда.
Инаку во понеделник на подрачјето на Хеброн, беа пронајдени телата на тројцата израелски тинејџери кои беа киднапирани на 12-ти јуни.
Израелската полиција соопшти дека ги истражува наводите за киднапирање на палестинското момче и потврди дека пронашла едно тело, но не наведе дали настаните се поврзани.
Е. Г.