Бранот палестински протести проследени со насилства на Западниот Брег може да прерасне во нова интифада, ако дојде до жртви при судирите, изјави израелскиот министер за внатрешна безбедност и одбрана Ави Дихтер.
Смртта на Палестинецот Арафат Џарадат во израелски затвор во саботата и штрајкот со глад на четворица други затвореници ја засилија напнатоста на Западниот Брег, каде во последните неколку дена демонстрантите влегоа во судири со израелските војници.
– Претходните две интифади започнаа како последица од голем број смртни случаи за време на протестите, рече Дихтер. – Смртните случаи се речиси докажана рецепта за остра ескалација.
Веста за смртта на Џарадат ги натераа Палестинците да излезат по улиците на Западниот Брег, каде што тие палеа гуми и фрлаа камења врз израелските војници, кои од своја страна им одговорија со солзавец и гумени куршуми.
– Немаме друг избор освен да го продолжиме народниот отпор и да ја зајакнеме окупацијата, било тоа да е на армијата или на доселениците, рече Махмуд Алул, висок член на движењето Фатах на палестинскиот претседател Махмуд Абас.