Израелската војска собори беспилотно летело кое го повреди воздушниот простор на земјата.
Портпаролот на војската изјави дека леталото е соборено утринава, но не сакаше да открие од кој правец доаѓало. Израел на југ се граничи со Египет, а на исток со Јордан.
Израелското радио јави дека станува збор за летало кое собира податоци и дека војската знаела дека му се приближува на Израел и одлучила да го собори во израелскиот воздушен простор.
Израелскиот министер за одбрана Ехуд Барак и честиташе на војската.
„Овој инцидент го сметаме за обид да се повреди израелскиот воздушен простор“, наведе Барак во соопштението.