Русија се уште не извршила испорака на ракети С-300 на Сирија, но Израел знае како да дејствува ако тоа се случи, изјави израелскиот министер за одбрана Моше Јалон.
– Можам да кажам дека испораките се уште не се направени. Се надевам дека тоа нема да се случи, но доколкустигнат до Сирија, ние знаеме што да правиме, изјави израелскиот министер.
Изјавата на Јалон е во спротивност на минатонеделните тврдења на командантот на воздухопловните сили на Израел, дека ракетите се на пат кон сирискиот претседател Башар ал Асад.
Израел стравува од евентуална руска испорака на софистицирани ракетни системи за Сирија, бидејќи постои опасност ваквото оружје да падне во рацете на Иран или либанската група Хезболах.