Израелскиот министер за домување Ури Ариел издаде конечно одобрение за изградба на повеќе од илјада станови во еврејските населби во окупираниот Западен Брег, само три дена пред втората рунда на неодамна обновените израелско-палестински мировни преговори.
Ариел посочи дека ќе се гради во Западниот Брег, но и во источен Ерусалим, на териториите што Израел ги освои во шестдневната војна во 1967 година. Источен Ерусалим подоцна е анектиран, а меѓународната заедница никогаш не го призна.
Палестинците сакаат да формираат независна држа на тие територии, при што ќе биде опфатена и Појас Газа.
– Во источен Ерсуалми ќе се изградат речиси 800 станови и приближно 400 во неколку еврејски населби во Западниот Брег.
Палестинскиот претседател Махумд Абас одбиваше да се врати на преговорите се додека Израел не го замрзне ширењето на еврејските населби, но попушти под силниот притисок на САД.