Израелската армија утре ќе ги затвори сите гранични премини меѓу Израел, Западниот Брег и Појасот Газа за време на гласањето на парламентарните избори во земјата, јави агенцијата Анадолија.
Затворањето треба да започне во 00:01 часот по локално време и се очекува да трае до 23:59 часот.
Израелската армија соопшти дека граничните премини ќе бидат повторно отворени во зависност од проценката на ситуацијата.
Ваквите затворања се стандардна практика за време на еврејските празници и избори, за кои војската вели дека е мерка на претпазливост. Сите дозволи за влез на палестинските работници за време на затворањето се суспендирани.
Утрешните парламентарни избори во Израел ќе бидат петти за помалку од четири години.
Извор: МИА