Израел синоќа започна со церемонија по повод годишнината од одбележување на Холокаустот над Евреите во Втората светска војна.
Денот на одбележување на сеќавањето на шесте милиони жртвите на Холокаустот е еден од најзначајните во еврејскиот календар.
На тој ден се затворени рестораните, кафулињата и сите останати места за забава, а радиото и телевисиските програми се посветени исклучиво на документарни емисии за Холокаустот, разговори со преживеаните и сериозна музика.
Инаку според наводите денешната церемонија содржи јавно читање на имињата на жртвите на Холокаустот на многу места ширум државата, меѓу кои е и парламентот.
Е.Г.