Американскиот воен брод од Втората светска војна „Индијанополис“ е откриен на дното од Пацификот, 72 години откако една јапонска подморница го потопи.
Бродот е откриен на длабочина од 5.500 метри, од страна на специјален цивилен тим трагачи, опремени со специјално дизајнирано возило за подводни истражувања, што го предводел ко-основачот на Мајкрософт, Пол Ален.
„Индијанополис“ – тешко вооружен брод- крстосувач, во моментот на потопувањето се враќал од „супер тајна мисија“ за испорака на делови за атомската бомба, што подоцна беше фрлена врз Хирошима.
Од 1.196 морнари и членови на екипажот, се спасија само 316 лица, па потопувањето на овој брод, се смета за најголемата загуба на луѓе на море во историјата на американаката воена морнарица.
Бродот бил погоден од јапонско торпедо на 30 јули 1945 година, два месеци по завршувањето на војната и само една недела пред да биде фрлена првата атомска бомба.
Нападот и потопувањето се случило во Филипинското Море, на просторот меѓу островот Гуам и Лејте. Околу 900 морнари го преживеале јапонскиот напад, но по четири денови поминати на отворено море, полно со ајкули, спасувачите од морето извлекле само 316 преживеани.
Тајноста на мисијата не дозволувала да се знае за трасата по која пловел бродот, па кога бил погоден не бил испратен повик за помош и долго време не се знаела точната локација на потонувањето.
Во САД се уште се живи 12 преживеани членови на екипажот на „Индијанополис“.