Огнот кој што повеќе од пет години гореше на една депонија за гуми во јужно Порторико, конечно е изгаснат, објави американската Агенција за заштита на животната средина (ЕПА).
Официјални лица од агенцијата наведуваат дека пред неколку недели владата на Порторико ја повикала агенцијата и побарала помош во гаснење на огнот, во градот Пенуелас на јужниот брег на Порторико.
Огнот започнал да гори во август 2008 година и од тогаш константно горел, иако локалните официјални лица делумно го контролирале со смет, наведуваат од ЕПА.
-Одредени видови индустриски пожари може да горат долго време- рече портпаролот на ЕПА, Елиас Родригез и додаде дека огнот кој што е изгаснат, бил „упорен“.
Е. Г.