Московскиот суд Замоскворецки го одобри апсењето во отсуство на шахистот и политички активист Гари Каспаров, кој е прогласен за странски агент во Русија, за наводно поттикнување терористички активности.
Каспаров е на меѓународна листа на барани лица, објави Интерфакс. Обвиненијата се засноваат на член 205.2 од Кривичниот законик на Русија, но судот не објави детали. Каспаров беше обвинет во октомври за наводен обид за преземање на власта и основање терористичка организација.
Руската ФСБ тврди дека тој и другите основачи на „Антивоен комитет на Русија“ финансирале украински паравоени единици што Москва ги смета за терористички и регрутирале лица за наводни планови за насилно преземање на власта.
Во март 2024 година, Каспаров беше додаден на рускиот список на лица и организации поврзани со екстремизам и тероризам.
Тој живее надвор од Руската Федерација.