Италијанец кој на 5 јануари загина во лавина на Алпите, во Австрија, на границата со Швајцарија, е шеста жртва на лавините за само една недела.
Неговата сопруга вчера пријавила дека тој е исчезнат но спасувачките екипи не успеале да го пронајдат.
Бил пронајден денеска, закопан под половина метар снег, од лавината која е можно самиот да ја предизвикал.
Австриските власти го подигнаа предупредувањето на опасност од лавини на 4-то ниво, од можни пет. И на најискусните скијачи им се препорачува да не ги напуштаат обележаните патеки.
Најголем број жртви на лавини имаше во покраината Тирол – 4 за само 5 дена…
Според познавачите причина за лавините е раниот снег кој падна во октомври и не е добра подлога за новите снегови. Во такви услови и најмал товар, како тежината на скијачот, може да предизвика лавина. Друга причина е ветерот кој ги следи снежните врнежи и е „најдобар градител на лавини“.