Украинските сили напредуваа во област на околу пет километри југоисточно од Роботин, објави Институтот за војна.
Украинците минатата недела објавија дека го ослободиле градот.
Инаку, Роботин е блиску до Токмак, важен железнички и патен јазол за Русите.
Украинскиот Генералштаб извести дека нивните сили спроведуваат офанзивни операции во правец на Бахмут и Мелитопол.
Во меѓувреме, руските воени набљудувачи известуваат дека нивните сили се ранливи и во источниот и во западниот регион на Запорожје.
Еден командант на баталјон изрази загриженост за руската одбрана во областа, особено наведувајќи ги големите руски загуби, исцрпените сили, слабите способности и недостатокот на резерви, соопшти ISW.