Институтот за проучување на војната (ISW) вели дека Кремљ и понатаму е загрижен поради постхумното влијание на шефот на платеничката група Вагнер, Евгениј Пригожин. Тој наведе повеќе руски весници, вклучително и „Москва тајмс“, кои разговараа со двајца функционери во ФСБ и претседателската администрација, кои тврдат дека Кремљ намерно го чувал во тајност погребот на Пригожин за да не направи од него маченик.
Во извештајот на ISW се вели дека високи претставници на Кремљ и ФСБ се состанале за да спречат каква било можност за јавен протест. Се додава дека голем број руски воени блогери исто така изјавиле дека немањето информации за погребот најверојатно е обид на Москва да го отстрани целиот случај од очите на јавноста.
Имено, многу малку извештаи за погребот на Пригожин се појавија во руските медиуми, а објавените информации често беа збунувачки и контрадикторни; како што се разни објави во кои се наведува различна локација на погребот. ISW смета дека ваквите наводи во медиумите не биле обична случајност, пишува Sky News.