Деловниот сектор очекува Франкфурт да преземе најголем дел од финансиските бизниси и активности на компаниите кои што се селат од Лондон по референдумот за напуштање на Велика Британија од ЕУ.
Според студијата на консултатнската фирма „Ернст и Јанг“ 72 отсто од испитаниците веруваат дека Франкфурт има предност пред Даблин, Париз и Амстердам да стане домаќин на бизнисите за недвижнини кои што се подготуваат да заминат од Лондон.
Интерес од напуштањето на дел од бизнисите од Лондон ќе има целиот германски пазар, при што 57 проценти од испитанците сметаат дека како последица на трансферот на компании може да порасне цената на комерцијални и резиденцијални имоти во Германија, пренесува дописникот на МИА од Берлин.
„Се чини дека меѓународните инвеститори кои што веќе не сакаат да инвестираат во Лондон ќе се фокусираат на герамнскиот пазар на недвижнини“, вели експертот на „Ернст и Јанг“ Кристиан Шулц Вулков во соопштение за јавноста на компанијата.
Во недостиг на прецизни информации каков трговски договор ќе постигнат ЕУ и Велика Британија по „Брексит“ дел од меѓународните инвеститори веќе најавија дека Франкфурт како централно позициониран европски град би можел да биде замена за Лондон како главен континентален и глобален финансиски центар.