Сателитски снимки направени и анализирани од Maxar Technologies покажуваат десет километри долг руски воен конвој источно од Харков. Снимката на Maxar е направена на 8 април во близина на градот Велки Бурлук, неколку десетици километри источно од Харков. Конвојот се движел кон југ, пишува CNN.
Maxar рече дека конвојот содржел оклопни возила, камиони, артилерија и дополнителна воена опрема.
Да потсетиме, по повлекувањето на руските сили од околината на Киев, се очекува дел од силите да бидат префрлени во источна Украина за да ги интензивираат руските напади таму. Не се знае точно каде оди овој конвој.