Терористичката група „Исламска држава” зеде за заложници над 200 жители во ирачката провинција Киркук, поради нивната соработка со ирачките владини сили, соопшти иранската агенција Фарс, пренесува ТАСС.
Џихадисти ги обвиниле киднапираните дека на курдските сили за самоодбрана „пешмерга”, на милицијата „Ал Хашд ал Шааби” и на ирачките сили за безбедност ја откривале локацијата на старешините на ИД.
На почетокот на неделата, ирачката армија и доброволните милиции презедоа нова офанзива против позициите на џихадисти во Киркук и по тешки борби ја вратија контролата на повеќе од 50 села.