Меѓународната антитерористичка коалиција предводена од САД соопшти дека организацијата Исламска држава загубила 95 отсто од територијата која што во 2014 година ја освои во Сирија и Ирак.
– Откако беше создадена коалицијата во 2014 година, ИД изгуби 95 проценти од територијата што ја контролираше во Сирија и во Ирак, наведе американскиот специјален претставник на коалицијата Брет Макгурк.
ИД контролираше речиси половина од територијата на Сирија и една третина од Ирак во 2014 година кога објави калифат.
Според Макгурк повеќе од 7,5 милиони луѓе веќе се ослободени од контролата на ИД и дека прекинало влегувањето на странски борци во Сирија.
– Финансиите на ИД денес се на најниска точка. Вршиме притисок врз организацијата на терен и во кибер просторот, каде се бориме против терористичката пропаганда, забележа Макгурк.