Екстремистите од движењето Ал Шабаб убија вчера најмалку 38 лица, претежно војници во напад врз воена база во сомалискиот полуавтономен регион Пунтланд, соопшти воен претставник.
Нападот се случил, откако исламистите од Ал Шабаб го презедоа градот Аф Урур.
Воениот претставник потврди дека се убиени 38 лица, а ранети се 18.
Според него исламистите заробиле и однеле со себе одреден број војници.
Нападот следеше неколку дена откако во Пунтланд петмина припадници на Ал Шабаб, кој е поврзан со Ак Каеда, беа осудени на смрт.