Доколку Европа продолжи да му се заканува на Техеран, тогаш Иран ќе го зголеми дострелот на своите ракети на над 2.000 километри, предупреди заменик командантот на Корпусот на гардата на Исламската револуција.
Ова доаѓа откако Франција побара бескомпромисен дијалог со Иран за програмата за балистички ракети и можни преговори околу прашање надвор од нуклеарниот договор.
– Ако се придржуваме кон опсегот на своите ракети до 2.000 километри, тоа не е поради недостиг на технологија. Ја следиме стратешката доктрина, изјави бригадниот генерал Хусеин Салами.
Според него, Иран смета дека Европа не е закана и затоа не е зголемен дострелот на ракетите, но доколку стане, тогаш дострелот ќе биде зголемен.