Иран: Во израелскиот напад врз затворот „Евин“ загинаа над 70 затвореници

Од:

Во израелскиот напад врз затворот „Евин“ во иранската престолнина Техеран на 23 јуни загинаа 71 лице, изјави денес портпаролот на иранското судство Асгар Џахангир.

На крајот од воздушната војна со Иран, Израел го нападна најозлогласениот затвор во Техеран за политички затвореници, проширувајќи ги своите цели надвор од воените и нуклеарните објекти за да ги таргетира симболите на иранскиот владејачки систем.

„Во нападот врз затворот „Евин“ загинаа 71 лице, вклучувајќи административен персонал, млади регрути, затвореници, членови на нивните семејства кои ги посетувале и соседи кои живееле во близина на затворот“, рече Џахангир во изјава објавена од судскиот новински портал Мизан.

Џахангир претходно изјави дека дел од административната зграда на затворот „Евин“ е оштетен во нападот и дека има убиени и повредени луѓе. Судството додаде дека преостанатите затвореници се префрлени во други затвори во покраината Техеран.

Во затворот „Евин“ се наоѓаат неколку странски државјани, вклучувајќи двајца француски државјани.

„Нападот врз затворот „Евин“ во Техеран ги стави во опасност нашите граѓани Сесил Колер и Жак Париз. Тоа е неприфатливо“, изјави францускиот министер за надворешни работи Жан-Ноел Баро во емисијата „X“ по нападот.

Би можело да ве интересира

Oслободен од турски затвор е хрватски морнар осуден на 30 години затвор, на бродот му најдоа 137 кг кокаин

А1он

25.000 Талибанци се најдоа на ирански отстрел, се бараат британски шпиони меѓу нив

Иран издаде фатва: „Крвта и богатството на Трамп се халал, а одмаздата за крвта на Солејмани е задолжителна“

Иран: САД да ја надомести штетата од нападите врз иранските нуклеарни постројки

Калибаф: Нацистите од 21 век мора да бидат запрени

Русија е загрижена за заканата од нови напади врз иранските нуклеарни објекти