Разузнавачката единица на Иранската исламска револуционерна гарда (ИРГЦ) денес соопшти дека просторот за донесување одлуки на САД е стеснет.
– Постои само еден начин да се протолкува ова: (американскиот претседател Доналд) Трамп мора да избере помеѓу невозможна воена операција и лош договор со Исламската Република Иран. Просторот за донесување одлуки на САД е стеснет, се вели во соопштението објавено на мрежата X.
Според разузнавачката единица на ИРГЦ, Техеран поставил рок за американската војска да ја прекине блокадата на иранските пристаништа, иако не прецизираше кој е точниот рок и посочува дека Кина, Русија и Европа го промениле својот тон против Вашингтон, објавува Ал Џезира.