Иранската војска наводно понудила награда од речиси 30.000 долари за секој американски војник кој ќе биде убиен или заробен, објави порталот Avash, повикувајќи се на агенцијата dpa.
Според извештајот, за жените кои би убиле или заробиле американски војници наводно е предвидена двојно поголема награда.
Наградата, како што се наведува, ја понудил Амир Хатами, врховен командант на иранската армија.
Информацијата доаѓа во период на зголемени воени тензии меѓу САД и Иран. Во изминатите недели двете страни повеќепати го прекршиле рамковниот договор од 17 јуни, со кој беше предвиден траен прекин на борбите на сите фронтови.
Засега нема независна потврда за наводната понуда.