Иран му соопшти на генералниот секретар на ОН, Антонио Гутереш, дека Техеран ќе ги смета базите, објектите и средствата на „непријателска сила“ во регионот за легитимни цели доколку се соочи со воена агресија.
Во соопштението испратено до Гутереш се вели дека реториката на американскиот претседател Доналд Трамп кон Иран „сигнализира реален ризик“ од воена агресија, додека во исто време наведува дека Иран не сака војна, објави Ројтерс.
„Иран ќе одговори решително доколку биде изложен на воена агресија“, се вели во писмото, објави Танјуг. САД го зголемија своето воено присуство во регионот поради можноста за американски напади врз Иран, кои веќе се случија во јуни минатата година, кога беа нападнати ирански нуклеарни цели.